 |
那裏···新的開始 |
| 作者:ωāsнǐиG 日期:2007-8-24 18:11:00 |
| 終于申請咗個163 Blog ，終于决定要搬家。 地址：http://blog.163.com/dear_washing/ 另外，請大傢幾時更新我喺妳哋BLOG度嘅鏈接。 |
|
給自己見證 |
| 作者:ωāsнǐиG 日期:2007-8-24 16:19:00 |
| 很快，每一個鐘的時針都會指向十二點，在這一刻我將正式踏進人生第十九個年頭。 現在的我，仍然對三百六十五日以前歷歷在目：那時的我正在爲自己終于要成年而既興奮又擔憂，那時的我好怕要負起太多的責任··· 在忙碌之中我完成了從十八歲到十九歲的過渡，發現原來成年似乎并沒有想象中發生太多變化。但被冠以高三頭銜的這一年是充實而難忘的：這一年我高考了；這一年我感受過了成功与失敗；這一年我學會了苦中作樂；這一年我懂得了去接受現實；這一年我多了朋友；這一年我的經驗豐富了；這一年，我真的成長了。 結束了“十八歲，卜卜脆”的一年，開展充滿未知數的新一年。十九歲是人生一大轉折，因爲從此我多了一個大學生的身份，從此我要暫別家中溫煖的窩加入群體生活，從此我与社會的距離又跨進了一大步···往后四年將是怎樣的景象呢？？我能否很好地應付呢？？加油吧！！ |
|
只是路過而已 |
| 作者:ωāsнǐиG 日期:2007-8-24 0:43:00 |
| 因爲某些私人原因，我很久很久沒有上網了··· 不是不想上，而是不能够上··· 我親愛的小Blog，被我冷落了這麽長的一段時間，實在很抱歉··· 現在終于感受到，網絡是多麽多麽的重要啊！！！！！！！！！ |
|
工作小记2 |
| 作者:ωāsнǐиG 日期:2007-7-26 23:55:00 |
| 無驚無險，又過一日。今日似乎成日都喺度“吞pot”，而且唔洗成日留喺辦公室。 早上翻到offic冇幾耐，芬姨就帶咗我去中華廣場幇佢排隊交嘢。我第一次喺中華廣場未開門就入咗去。可能因爲我哋早到，所以好快完事，然後芬姨要去廣百，佢話我可以行陣街，慢慢踱翻去，仲話佢唔會鬧我嘅。哇，聽到可以行街喔，仲唔開心到傻。于是我真係好聴佢話咁行完吉之島行流前，然後嘆住杯奶茶搭地鐵翻去。我足足喺出面逗留咗個幾鐘。點知當我好休閑咁踏進門口，一望，原來好鬼齊人，包括老世同老闆娘，而且芬姨居然都气定神閑咁坐住喺度···當初我話搭鐵翻，芬姨仲話：咁你咪好快翻到去？聽到呢句話，我當場放心曬，仲話：放心，我識打發時間噶啦。我唸住佢要去廣百，而且以佢性格實冇咁勤奮即刻翻去，咁我梗係慢慢嚟啦。點知，原來俾佢水咗。睇我個樣，好明顯就係蛇王完。見到大家都好忙，我非常之唔好意思，唯有立刻開始做嘢。好彩佢哋都冇問啲咩同講啲咩。 頭先講起奶茶，我就要提下我今日發現嘅喺流前M記對面嗰間奶茶店，叫Y－Box。呢間嘢風格同Happy Lemon好似，都用好Q嘅公仔做Logo,兩者價錢相差無幾。至于味道，OK。佢啲珍珠唔同出面，係好似藿香正氣丸咁細細粒嘅，幾好嚼。不過唯一唔好就係佢落咗好多冰，搞到杯嘢好快變到好淡。嗯，發覺自己越嚟越愛上奶茶，只要係單純嘅奶茶，特別係茶味濃郁嗰啲。茶香加埋我摯愛嘅奶，飲落有種醇厚嘅感覺，係繼奶之後俾到我如媽媽懷抱般幸福感覺嘅飲品···聴落好似有啲變態···但我真係對其他香精味濃郁嘅飲料不太感興趣。 翻到去嗱嗱林出曬啲單，因爲今日英叔放假，我有幸第一次跟杰哥仔車出去送貨。喺呢兩個鐘頭左右嘅時間入麵，我幾乎都係坐喺車度，但比起坐喺辦公室，實在有樂趣得多，我唔洗做啲咩，阿杰又好傾，而且有廣州美麗嘅風景睇，如果以後我成日有得跟車就好啦。 總體嚟講，今日係最輕鬆嘅一日。發覺喺辦公室有時係平乏咗啲，但點都好過喺屋企睇人發癜。 |
|
工作小记1 |
| 作者:ωāsнǐиG 日期:2007-7-25 23:51:00 |
依傢日日翻工，感覺就好似日日翻學咁，日子過得非常平淡。 依傢嘅我，每朝都要忍受眼訓嘅煎熬，每晚都要頂住夜貓生活嘅誘惑。 翻工搭地鐵，放工坐巴士，喺辦公室坐8粒鐘，期盼住5點半嘅來臨。規律化地度日ing。 我做到下個月十五號就唔做啦，我要留翻啲時間俾自己。 我真係好想好想快啲到呢一日，因爲我好掛住放假嗰種頽廢得嚟好悠閑嘅感覺。 我唔會咁快放弃份工，我已經适應咗嗰度。 我嗰度嘅“同學仔們”都好好人噶，雖然最細嗰個都比我大九歲，其次三十幾，然後接近五十··· 但我哋傾起計上嚟一啲都冇代溝，成日互“質”，好多笑料。 嗰個就嚟三十但已經成家立室、身材好似發育不良、口花花嘅杰哥仔，每日都被女性同胞聯手對付，但仲係都要撩下我，同我約定一齊辭 職，話同我共同進退··· 講嘢大大聲、從來唔避忌、一唔like it就爆曬粗嘅芬姨，好好傾，仲話我同佢個仔都幾襯添··· 三十出頭仲雲英未嫁嘅玲姐，每日都教我做嘢，思想同我幾接近；當然唔少得老實憨厚嘅英叔··· 佢哋一係叫我瑩瑩，一係叫我阿瑩，係芬姨靚妹前靚妹后咁叫我。嗯，感覺好親切。 喺嗰度，我嘅工作能力慢慢提升，我做得都幾好噶，佢哋都讃過我。 今日第一次一個人打吊牌（新衫掛住嗰啲寫住牌子嘅牌），要編輯完再打印，搞嗰部機時有啲鶏手鴨脚，因爲冇人可以幇到我。 其實我都唔知自己有冇亂咁嚟，但摸索之下好彩最後都成功咗。 衆所皆知我對電腦方面唔叻，但我居然可以教導我老闆娘，感覺好得慼。 翻工嘅日子就係咁平淡，但交集住絲絲樂趣。 尋日早上搭地鐵一號綫，“有幸”第一次遇到難得嘅故障，咁樣就已經係我平凡一日一之中嘅不平凡之處。 呢種“不平凡”，我唸只有喺打工仔嘅生活中只能彰顯出嚟吧··· 依傢，漂流係我唯一所嚮往嘅嘢，係我唯一所牽挂嘅嘢。我真係好想喺呢個暑假去一次漂流啊···唔係我一定唔罷休！！
 呢度就係我打暑期工經常坐住做嘢嘅位置 |
|
很討厭··· |
| 作者:ωāsнǐиG 日期:2007-7-22 15:33:00 |
| 很討厭··· 很討厭··· 爲什麼這么多東西討我厭？？ 爲什麼我討厭這麽多東西？？ |
|
成爲打工仔 |
| 作者:ωāsнǐиG 日期:2007-7-19 20:43:00 |
| 從這星期開始，我正式成爲上班族，過著朝九晚五的生活。 我工作的地方在東山口，離家差不多一小時的車程。老闆娘是我阿姨的朋友，做服裝生意，在每一家吉之島都有銷售點，而我就在辦公室工作，幫忙打單、把數據輸入電腦、執頭執尾這樣子。這樣的工作也是挺無趣的，但卻讓我感受到了以後坐辦公室的生活——幾乎都是坐著、整天對著電腦和鍵盤、枯燥平淡···總比synovate好，因爲我尚能應付，還有人與我說說話。 最近開始恐懼了。老闆娘說人力資源管理与我現在的工作也有點關係，這意味著我幾乎注定日後的工作要整天呆在公司了。天啊，我不要這樣的生活！！我這樣的性格，怎能坐得住？？每天坐著八小時，難道要我變成啤梨身形麽？？難道要我一生平淡麽？？我不要不要！！到底要我怎麽樣，才能改變這樣的狀况？？ 遲點我會學習一些會計的東西，但現在我每天對著一大堆的數據，已經覺得很厭煩了，我的興趣根本不在這裏啊。我想學的是經濟類的東西，例如marketing。不過多學也無所謂，反正學到的就是自己的，也許以後我就靠這個生活了··· |
|
單調，不是我的style |
| 作者:ωāsнǐиG 日期:2007-7-15 16:56:00 |
| 尋日懐住興奮嘅心情去到Synovate準備第一日翻工。之前對呢份工充滿期待，唸住今日應該有個好開始。點知，原來我係大錯特錯。 份工其實好簡單，只係坐喺office，一人一部電腦，對住個doc界面，喺度按鍵盤，不停打電話，重複一樣嘅說話同問卷，聴住一樣嘅電話嘟嘟聲同對方嘅拒絕···每日喺度不斷重複一樣嘅嘢，枯燥薠悶，單調乏味，完全唔啱我，完全唔係我想要嘅。呢份工完全冇挑戰性，扼殺曬我嘅能力同我學嘅嘢，又根本學唔到嘢。我份人好怕悶，生性坐唔定，呢份工每日就係咁坐幾粒鐘，超郁悶，“ta條”得滯，同我嘅性格愛好根本唔match，叫我仲點有衝勁做得好？？我從來未試過同人打電話咁好聲氣咁溫柔，就算俾人拒絕都咁好態度。瑞銘仲話我好適合呢份工···咁佢就睇得太表面啦。唔怪之得咁多人都辭職啦，我仲抱住咁大希望去試下先，尋日做咗一日咋，就覺得超級定唔順啦，我要辭職啊！！睇嚟群衆觀點同群衆路綫，真係唔到我唔信。我知錯啦···雖然係咁，但我尋日成績都唔差，尋日下午三個鐘我就做成咗兩份，不過夜晚時開始産生抵觸情緒，冇曬工作熱情，大部分時間喺度呆坐或者同另一個同我一樣處境嘅女仔傾計，一份都做唔成。尋晚差啲做成一份噶啦，不過對方冇曬耐性，打去兩次都係做做下CUP咗，我已經氹咗佢好耐都唔得。之前有個阿叔同我做完訪問之後講：“阿小姐啊，我覺得你啲問題好無聊喔，我俾妳問到好悶喔，你哋咁樣唔得噶···”我唯有講：“唔好意思啊，我哋都係想了解清楚啲，方便做信息嘅收集同分析，我哋會改進噶啦···”期間，仲有好多電話係講英文嘅人接嘅，其中不乏菲佣，我只好講：“sorry,I think I have wrong number,bye···”噢···日日係咁，我真係死得。 可能有人會話我唔挨得，呢份工并唔需要挨，仲好舒服添，只係真係十分之唔啱我，可能啱啲中意安定嘅人啦。揾到錢又點？？要自己難受咁耐，仲要浪費緊自己好多嘢，包括時間、精力、熱情、耐性···簡直就係浪費生命！！連開工第一日就已經咁啦，可想而知日後會有幾恐怖。大學報志願時我之所以報會展，就係因爲我覺得咁樣我就有機會去多啲地方，唔洗“UP”喺office，仲可以俾我策劃好多嘢，咁樣先可以發揮啲能力同埋有所長進。我要嘅，係真正令我有收穫嘅工作。呢份工之前培訓時的確令我學到少少溝通技巧，但真係微乎其微。開始做之後，我唸除咗學到點樣拒絕同應付、敷衍人之外，都冇乜啦呱。佢俾唔到成就感我。况且，我中意face to face嘅交流多啲。 不過呢間公司辭職都幾薠，因爲佢好似好等人手。我尋日同個QC講，佢開解咗我好耐，搞到我唔係幾好意思。我都唔知點打電話同Chris講好，佢個人咁溫柔，我更加唔好意思。 睇嚟我又要開展揾工嘅日子嚕···加油！！ ◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆ 最後結果：華農，人力資源管理，同灝哥一樣 除咗灝哥同我，靖賢、傅瑤、智杰等等，仲有好多都係華農，咁我哋第日就有照應啦，起碼有咁多人陪我，咁都好啲。我應該喺五山校區，冇得去大學城啦。我好想去大學城噶··· 會展專業，同你冇緣啦···失望··· |
|
快樂建築于痛苦之上 |
| 作者:ωāsнǐиG 日期:2007-7-13 23:52:00 |
| 玩咗成日依傢至啱啱翻到屋企。趁個身未灘凉曬唔沖得凉住，等我快快寫下日記，記錄低愉快嘅一天。 尋晚攞翻我哋以前本“日記簿”出嚟回顧，入麵嘅內容雖然大多無聊，但真係有好多我哋歡樂嘅一瞬間，幷且十分之能够體現出高中學生童趣嘅一面···我一定會好好咁keep住佢噶！！呢個時候我又不得不再次向大家推介以下同學們所翻作嘅詞句，至于原句就唔記得啦： 1.考場中，問雌雄，語文高分好有用，聽說讀寫很輕鬆，能與別人好溝通。 2.考場中，問錦雄（我哋級某英文老師），定語從句怎么用？告知用法六十種，每種意義各不同，最好別用。 3.踫紅中，上八筒，三隻髮財有何用？自摸白板等卡窿，上家扣牌打二筒，一場惡夢。 呢三句嘢實在太爆笑，真係佩服瑞銘佢哋嘅“文學素養”。 睇完本日記簿，我仲喺入面寫埋最後一篇高中生活嘅日記，搞到成四點鐘至爬上張牀，今朝七點就準時起牀啦。起牀時超眼訓，但好有以前唔夠訓、唔想起牀嘅感覺，好耐都冇試過嚕。今朝八點開始，個太陽就已經超毒，我哋要擔凳仔喺個操場度坐足個幾鐘，曬足個幾鐘，好鬼攞命，啲汗不停咁出，嘅人好似就嚟融咁，總之就超辛苦啦。只希望大學軍訓時唔洗咁曬法啦，咪使真係死好多人。發覺今日雖然係畢業禮，即係意味住我哋大家要各奔前程、離開母校啦，但係好似一啲都冇嗰啲所謂嘅離別之苦。可能因爲今日曬到癡腺，搞到個畢業禮一啲都唔感性；又可能係因爲我哋平時玩開嘅嗰班人成日都聚埋一齊，一啲都冇要離別嘅感覺；亦可能因爲以前初中時代嗰種“轟轟烈烈”嘅友情已經升華成今日嘅細水長流式，唔再需要啲咩唔實際嘅諾言，只需要大家心照就可以···我更加向往依傢呢種感覺，好似一切都唔需要作出改變咁，咁樣嘅友情或許更長久。 中午時分我阿瑩、阿詩、阿影、阿裕、阿瑤、阿灝（今日我哋扮成熟，所有人都要叫阿×）去咗Big Pizza度食嘢。我哋六個人叫做個八十八蚊嘅套餐，都幾抵食，一人先十五蚊。嗰度啲鶏翼、薯條同個pizza都OK，但個肉醬意粉就真係不敢恭維。後來阿蓮（張煒，按今日規矩其實應該叫阿煒，但因爲佢個性感豐唇令人唸起美寶蓮，于是被叫阿蓮）一個人嚟咗，就好榮幸咁成爲咗我哋今日嘅嘉賓，被衆人“逼供”，講佢同某梁小姐之間嘅感情事，不過其實佢自己都幾願意爆俾我哋聴啊···因爲我哋一早已經食曬啲食物，仲霸住張臺咁耐好似唔係幾好咁，于是先轉營去M記、然後OK仔、再到N年冇去過嘅多美麗，但都因太多人，最終輾轉去咗阿蓮間舊屋。本來好高興我哋終于揾到落脚點，但佢間舊屋幾乎乜都搬走曬，連電都停埋，搞到大家齊齊喺間房度“焗桑拿”，繼續逼供阿蓮。通過今日，對張煒嘅了解又深入咗。 之前一直都好想去BBQ，今日下午三點幾，我哋忽然决定咗今晚就去喳喳屋企天臺度燒烤！！雖然好唐突，但我哋都非常興奮，于是就嗱嗱林起行去買嘢。緊急關頭，我居然接到電話話今晚突然要翻Synovate度培訓開工。好爲難好爲難，我好緊張份工，但係我又實在好難割舍同朋友仔相處嘅時光，所以我只好打俾Chris，話今晚謝師宴我要做主持，抽唔到時間翻工。講完之後終于可以放心去玩，只不過好內疚。幾經辛苦，行咗N多路。攞住N多嘢，到七點幾終于去到喳喳屋企，呢個時候大家都攰到死死下，成身濕曬。每次賣嘢時我都會好興奮，我好似有少少師奶情結，好中意格價，好享受行超市同死咁掉啲貨物落部手推車度嘅感覺，我一直相信購物可以培養精明嘅頭腦。不過我嘅志願絕對唔係做師奶，而係一名靚太！！只臭靖賢話我哋唔早約佢，搞到佢今晚唔得閒嚟，明明我哋就已經第一時間打俾佢啦，佢居然仲話要詛咒我哋冇炭用。期間我哋真係一度恐慌買唔到足够嘅炭，靖賢嘅詛咒好似真係實現咗啊！！好彩後來原來喳喳屋企仲保留住我哋上次用淨嗰啲炭，足够有餘。呢個天時燒烤真係唔係一般人可以忍耐，我哋個個都熱到呱呱叫，特別我條腿對住爐口，興都傻，不停出汗，瘦咗就唔見得啦，毛毛就可能“窿”咗幾條咁啦。今晚食咗超多嘢，灌咗超多液體落肚，超級超級飽，好滿足，但係有淨好多嘢啊，夠我哋燒多日添啊。先頭阿影攞咗袋鶏翼同肉丸走，心唸佢實又要增肥頂啦，點知後來佢居然擠咗俾我！！我今日真係已經食得夠多鶏翼啦，兩餐啊，怕怕啦，平時我好日都唔食次鶏翼，我唸我三個月內都唔會想再食，所以就算我攞咗翻屋企，都係俾我媽媽爸爸食算數。好似buffet咁，我食一次就足足可以驚一年幾。况且，我依傢肚仔痛緊，都唔知頭先咩嘢出事，總之更加唔敢食···依傢把聲仲要即刻沙咗··· 今晚基本上係獨自行翻屋企，成十一點幾，雖然一德路好黑，好少人好多乞儿，又好似好危險咁，但我都寧願行路多過搭車，一嚟可以減肥，二嚟係我真係好中意行路，特別係喺好安靜嘅夜晚時。一路上個腦唔洗唸嘢，連個心都好自然會安靜落嚟，特別吹住微微嘅凉風，空氣中少咗忙碌嘅塵埃氣味，好舒服，世界好似只屬于自己。我唸我更加係中意夜晚，一直就覺得自己天生係屬于夜晚嘅動物，我向往一切晚間嘅活動。一直好想試下同人喺江邊傾計傾通宵，然後吹住風訓著，我唸一定係件樂事。不過，唔知有冇人咁傻會陪我？？ 今日雖然好攰好攰，但係好值得，唔痛苦一下點會感受到快樂？？ |
|
又是被朋友包圍的一天 |
| 作者:ωāsнǐиG 日期:2007-7-13 0:10:00 |
| 今天整天都是和朋友一起度過的。 早上和小豬同學在永漢碰了面，就一起去對面的Beleno人事部面試，那裏已經有很多人在排隊了。輪到我的時候，那女的只看了我的證件一下，問了我住那裏，看了我一眼，讓我留了電話，就完事了。而小豬同學則被問得很詳細，還交了身份證複印件和填了表。我就這麽被打發掉，很不爽噢，我到底那裏不符合條件啊？？好歹也多問兩句啊，害我這麽早起牀，還特意去複印，總之就白花力氣。又不讓人家呆在空調房內等，熱得要命！！算，反正又不缺工作，我只是不甘心而已。 然後我倆到處逛了很久，甚至還去了超市。喂，你要快快約我去buffet，我越想越想去啊！！算妳走運，我可甚少在男生面前狂吃的。要不你請客，當作生日禮物也不錯啊，嘻嘻···但是今天他告訴我，初中時教我們班化學的敖校長在不久前因cancer去世了，這讓我很驚訝。她人很好，很溫柔慈祥，雖然教得不怎麽樣，但還是很讓我懷念。記得那時上她的課都不太認真，我和茵還專門用一個本子記下她和級長每天穿什麽衣服，因爲她們的衣服都很有“特色”。敖校還很年輕，很可惜啊。爲什麼生命就是這般稍縱即逝呢？？爲什麼這麽好的人卻不能好好的享受世界、享受生活？？有點害怕，我和這美好的世界又有多大的緣分？？ 我兩點九才去到倖運樓四樓，本想著大家都會遲到，我也不用太準時啦，沒想到大家都比我早到。沒上去之前我和小豬同學先去了WATSONS拖時間，在那碰到了月華，她抓著我的手很興奮地跟我說她有看我的Blog。我很驚訝，因爲沒想到她會留意我的Blog。不過也還蠻高興的，因爲月華有惦記著我哦，而且看來我的Blog也越來越被受關註，越來越有生氣了。嗯，你們都是我的動力。 有點遺憾，今天只有司馬、謙謙和艶武三個老師來，其他受邀的老師們都沒空，司馬和艶武也很早就離開了。我最最親愛的小鄺也因爲要到華師報道讀研而來不了，讓大家都很失望，因爲大家都很喜歡她，很希望和她坐到一起。今天的謝師宴變得更像是同學聚會，不過沒關係，今天大部分同學都出席了，場面很熱鬧，大家吃了很多點心，拍了很多照片，玩得很開心。今天Sue和Sasa說我瘦了，我最喜歡聴這樣的話了。其實沒有啦，只是今天這套衣服的關係，而且我是襯不起校服的人，穿起校服來就顯得醜很多胖很多。還有還有，和司馬以茶代酒乾杯時，她祝我越長越漂亮。今天的聚會還算成功，而且花錢不多，只是不知道以後何時才能再這麽齊人。 今天碰巧是阿琪的生日。雖然我的生日還沒到，但卻意外的收到噔噔噔送我禮物。這是她送我的第一份禮物，是我喜歡的那只海綿公仔的腰包，很可愛，我很喜歡，非常謝謝。很謝謝你在逛街的時候也會想起我，很謝謝你在信中所說的真心話，很謝謝你視我爲“高中最重要的朋友”之一···你也是我最重要的朋友之一，很高興可以認識你，總覺得在很多方面你我很相像，很懷念你我同桌時的那些歡樂時光，還有那本記錄我們點滴的“日記本”。我喜歡二班、喜歡三中，有很大一部分是因爲我們兩個結合産生的威力所影響的。禮輕情義重，一切我都收到了。今天被兩次提及生日，沒想到一轉眼，我又快到十九了···噢··我真的有這麽大了嗎？？培訓時Chris說女人從十八九歲開始不願隨意透露自己的年齡，原來真的沒錯，我也不例外。不想長大，還不能接受十九歲的到來，至少我的心境還很幼稚。再過一年我便二十了，踏上二字頭，表明這是成爲一個成熟女人的開始。我真的能成熟起來嗎？？我能應付一切嗎？？時間啊，難道就不能走慢一丁點嗎？？ 喝完茶怎能這么快就散呢？？于是我和其中一部分人去了少年坊裏的南夢宮打機。在那裏，我開摩托車贏了陶陶；在那裏，我們集衆人力量玩手指指和百萬富翁；在那裏，我們只花兩塊錢可以“不限時”瘋狂地玩投籃機，因爲我們很幸運的碰上兩台坏機，發現這裏是平價的練波好去處···大家都玩得很盡興。只是後來我們終于想不到下場，唯有各自回家了。 明天是畢業禮，即將是我們一起在三中度過的最後一日，亦是我們最後一次穿起三中校服上學去。以後我就不用再擔心襯不起校服嚕···不過，我會很懷念那種感覺。 今天過得很好，被朋友們包圍的感覺真好。 ■■■■■■■■■■■■■■■■■■■■■■■■■ 剛才上網查了，我被華農錄取了。華農···命運决定的吧。忽然有點想去廣商，畢竟那裏有我很想很想去的會展專業。華農怎麽說都是重點啊，我有點犯賤了吧···与廣外無緣，与會展無緣···華農聚集了那麽多失意英雄，我也是其中之一啊。 |
I want to say```//